Foto: Májilis
Kindikti aýylynyń turǵyndary jún-teri óndirisin ashý, joǵary jyldamdyqty ınternetpen qamtamasyz etý, aýyldan respýblıkalyq jolǵa deıingi 60 shaqyrym joldy jóndeý, turǵyn úı, aýyz sý, mektepti jóndeý máselelerin kóterdi.
Kóktúbek aýyly turǵyndary jańa mektep salý, aýyldy joǵary jyldamdyqty ınternetpen qamtamasyz etý, ózen arnasyn tazalaý, ózenge kópir salý, Satpaev turǵyndary Qalbataý-Maıqapshaǵaı jolyn jóndeý týraly usynystaryn aıtty.
– Aqsýattyqtar mektep salý, aýyl sharýashylyǵyn damytý, sýbsıdııa berý, jún-teri óndirisin ashý, et óńdeý, mashınalardy tirkeıtin arnaıy halyqqa qyzmet kórsetý ortalyǵyn ashý, Aıagóz-Aqsýat jáne Qalbataý-Maıqapshaǵaı joldaryn jóndeý, elektr jelilerin jóndeý, ıgerilmeı jatqan jerlerdi qaıtarý, mindetti medısınalyq saqtandyrý qorynyń qyzmetin retteý, aýǵan soǵysynyń ardagerlerine járdemaqyny ósirý týraly jáne basqa da máselelerdi ortaǵa saldy, – dedi depýtat.
Kókpekti aýdanynyń halqy kóktemde sý tasqyny buzǵan kópirdi qaıta salý jónindegi usynystaryn jetkizdi. Azamattardy qabyldaý kezinde aýdandyq aýrýhanany kúrdeli jóndeýge qarajat bólý, balalarǵa arnalǵan lager salý,«Qalbataý-Maıkapshaǵaı» jolyn jóndeý máseleleri aıtyldy.
Sonymen qatar depýtat «Qazavtojol» aksıonerlik qoǵamy Abaı oblystyq fılıalynda bolyp, bas merdiger kompanııanyń ókilderimen birge «Qalbataý-Maıqapshaǵaı» jolyn qaıta salý barysymen tanysty.
Borodýlıha aýdanynyń Borodýlıha jáne Petropavlovka aýyldarynda azamattardy qabyldap, aýyldarda salynyp jatqan dene shynyqtyrý-saýyqtyrý kesheniniń qurylysyn, sport jáne demalys ortalyǵyn jáne Jańa Shúlbi aýylynda salynyp jatqan jylý jelisi men blokty modýldik qazandyqty, dárigerlik ambýlatorııaǵa bardy. Turǵyndardy dárigerlik ambýlatorııalardy jóndeý, sanıtarlyq kólikterdi jańartý, Petropavlovka aýylynda balabaqsha salý jáne Voskresenovka-Petropavlovka jolyn jóndeýdi usyndy.
Budan bólek depýtat Kýrchatov qalasyna baryp, ınfraqurylymymen tanysyp, salynyp jatqan fýtbol alańyn, qalpyna keltirilip jatqan kópqabatty úı men qurylysshylar alleıasyn aralady. Turǵyndar qabyldaý kezinde olar qalaǵa «ǵylym qalashyǵy» mártebesin berý, Semeı ıadrolyq aımaǵynyń qaýipsizdigin qamtamasyz etý, burynǵy Semeı synaq polıgony aýmaǵynda zańsyz qyzmet úshin jaýapkershilikti qarastyrý, B korpýsy memlekettik qyzmetshileriniń jalaqysyn arttyrý jáne basqa da máselelerdi kóterdi.
